darotha

Агата Кулеша ў ролі Ванды Лебэнштайн захапляе. Як і імгненне, калі Ванда басанож праходзіць па пакоі, ставіць пласцінку, адчыняе наросхрыст акно, пакідае пусты кілішак на нізкім століку, знікае на секунду з кадра, каб накінуць паверх тонкай сарочкі паліто і тут жа ўрываецца назад, адным рухам неахайна кідае цыгарэту ў папяльнічку і выскоквае ў акно. Страшны і магнетычна чароўны кадр. І дзіўнай прыгажосці фільм.

Стаўлю 10 з 10.
Гэты фільм - не шэдэўр кінамастацтва, але скарб для роздуму над тым, які час у жыцці найважнейшы, які чалавек самы галоўны і які ўчынак самы патрэбны.

Глядзець абавязкова! Рэдкі і фантастычны фільм пра сапраўднага чалавека. Хочацца адразу рвануць у Гомель!
"Цяжка ў маім узросце жыць на вуліцы, калі няма ні сям'і, ні сяброў, ні дзяцей. Хочацца, каб побач быў той, это скажа: не кранайце яго, ён са мной. Хочацца, каб побач баў той, хто парадуецца тваім поспехам. І шчасця, лічы, толькі палова, калі няма з кам яго падзяліць" (с).
Унікальны чалавек. Унікальны фільм

"Племя" - бясспрэчна, найлепшы фільм "Лістапада-2014" і адно з самых моцных мастацкіх уражанняў у кіно.
Фільм ідзе на мове жэстаў, не агучваецца і не суправаджаецца тытрамі. Ніякай музыкі, агульных планаў ці краявідаў. Толькі жорсткае, праўдзівае і натуралістычнае выказванне. Брава!

Драйв! Глядзіш і зараджаешся музыкай!
А найвышэйшая адзнака - за круты фінал. Хочаш даказаць - дакажы справай, свой правал зрабі трыумфам, і гары гарам, што скажуць іншыя! Йахуу!
П.С.: Фільм у "Перамозе" ідзе па-ангельску з субтытрамі